انباء نيوز
نشرت الصحفية الاعلامية المثيرة للجدل عائشة الماجدي منشور علي صفحتها بفيس بوك اتفق رواد ومتابعي صفحتها علي انها ولاول مرة تنشر بوست موفق وانهم لاول مرة يتفقوا معها في الرأي
وكانت الماجدي نشرت منشور وصفت فيه محاضرات التنمية البشرية بان إلايفنتات شغل عطلة ساي وبحسب متابعة محررة انباء نيوز قالت الماجدى في منشورها
وتصحت الماجدي الشباب بعدم دفع نقودهم في وصفته بشغلة العواطلية
هسي أخسر 140 او 150 الف لشنو عشان واحدة تشبكني أنا اقدر وإنتي قادرة وأنا أستطيع وأنا أكون !!
أدفع قروش خسارة عشان واحدة تغرود لي عيونا وشيلي نفس عميق وغمض عيونك وشوف الدنيا أصبحت قدامك ومستقبلك رهيب وبعد شوية تقول ليك طلعي الأسد الجواك ..يا جماعة دا إستنزاف وإستغلال للناس الطيبة من البنوت والله
ثانياً —
الرجال البعملوا رعاية للإيفنتات والمنتديات ديل تعال نسألكم —-
أنت لما يشيلوا قروشك وتجي لابس بدلتك وأخر اليوم ترجع بيتكم ما بتحس بإنك حنكوك وشالوا قروشك وكنت كيشة ومنظرك بيش …
العجب لما يذكروا إسمك في الإيفنت طبعاً بتكون إتنفخت بالفرح وما عارف إنك داقس وزول إضينة ساي قروشكم دي أهلكم وأولادكم في حوجة ليها وأمك هناك منتظرة قروش العلاج
يا شاب ما تدفع قروشك لإيفنت ولا منتدي إنت مجرد كيشة في نظرهم قال أنا استطيع وأنا اقدر شغلة مأكلة وعواطلية ..
