أطلق الراصد الجوي المعروف المنذر أحمد الحاج تحذيرات عاجلة لسكان ولايات البحرالاحمر والشمالية ونهر النيل، مشددا فيها على ضرورة الاستعداد لموسم الخريف هذا العام، وكشف عن حدوث تغيير مناخي تعود فيه دورته كما كانت عليه قبل (١٠٠) عام .
ونصح المنذر المواطنين بضرورة إعادة البناء والإنتقال لإنشاء المنازل بمواد ملائمة لفصل الخريف والابتعاد عن مساكن الطين.
وقال: اسمعوها نصيحة مننا اي زول بيتو وقع او اتأثر تانى مايبنى طين واى زول داير يبنى جديد مايبنى طين واى زول بانى فى مجارى السيول او قريب منها يامن نفسو او اذا كان مستطيع يبنى فى محل آخر.
وأشار انه لأول مرة ومنذ عشرات السنين سيستقر الفاصل المداري فى أقصى الشمال لقرابة الشهر وستهطل الأمطار بغزارة على ولايات الشمالية ونهر النيل والبحر الأحمر فى حاله نادرة الحدوث وهذا ماستكون عليه توقعات الأعوام القادمة .
